نكت التعليم

نقدم لكم 10 نكت عن المعلم ، قصد الترفيه فقط،

النكتة 1 :

قال الأستاد للتلميد آش كتحلم تصبح في المستقبل ؟...

الدري: كنحلم نشد مليون درهم فالشهر بحال الوالد...

الأستاد :علاش باك فاش خدام؟...

الدري: لا تاهوا غير كايحلم

النكتة 2 :

واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز  المعلمالعصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ

النكتة 3 :

واحد البرهوش في التحضيري قال للمعلمة انا كنبغيك او بغيت نتجوج بيك قالت ليه و لكن انا ما كنبغيش الدراري ............... قال ليها  ماشي موشكيل ا حبيببة حتى انا  ما مزروبش على الدراري

النكتة 4 :

أستاذ ديال الإنجليزية قال لواحد التلميد: دير ليا
She has
في جملة مفيدة
قال ليه التلميذ : شي هاز اللحم وشي هاز الهم 

النكتة 5 :

هادا واحد الاستاد كيعلم لواحد التلميد عملية ناقص، قال ليه: جوج ناقص جوج شحال تيبقى ؟
التلميد : معرفتش
الاستاد جبد ليه جوج كرواصات، وقال ليه : شحال هادو؟
التلميد :جوج كرواصات
الاستاد :هاك كول هادي، زيدك هادي، شنو بقى دابا ؟
التلميد: شي بـرّاد ديال اتاي

النكتة 6:

أستاد ديال الرياضيات سول واحد التلميد: إيلا عطاك باك 10 د الدراهم و عطا لخوك 15 دراهم. ماذا تساوي؟
قال ليه التلميد: تساوي الحرب

النكتة 7 :

واحد الاستاد ديال الفرنسية سول التلاميذ دياولو: أشنو هي النجمة بالفرنسية؟
واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L’étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام

النكتة 8 :

هادا واحد التلميد قال ليه المعلم: عطيني خمسة ديال الحيوانات قال ليه التلميد: بقرة و كلب و تلاتة ديال الحمامات

النكتة 9 :

قال لك واحدة وصلت للقسم معطلة..قالها الاستاذ" أش هاد التعطال؟..جاوباته: كان تابعني واحد كيبسال عليا ..
قال لها الأستاذ: إيوا راه خاص توصلي بكري ماشي تعطلي !!!
جاوباته: لااا..راه كان كيتمشى بشويا …….

النكتة 10 :

قال المدرس لتلميذه وهو يعاقبه على خطأ : اني اضربك لأني احبك.
الطالب:من المؤسف اني لا استطيع ان ابادلك نفس الشعور